التسجيل
كلمة المرور سوف ترسل الى بريدك الألكترونى.

ازاي تمسح الداتا بتاعتك صح من الهارد الخاص بك حتي لا يتم استرجاعها

ازاي تمسح الداتا بتاعتك صح من الهارد الخاص بك

ازاي تمسح الداتا بتاعتك صح من الهارد الخاص بك

ازاي تمسح الداتا بتاعتك صح من الهارد الخاص بك

المشكلة دائما لما بتيجي تبيع جهاز في موضوع انك ازاي تمسح الداتا بتاعتك ومحدش يعرف يرجعها من بعدك – وتسمع كثير واحد ورايح يبيع الجهاز :

“أنا همسح الداتا وهفرمت الهارد أكثر من مرة وكدة محدش هيعرف يرجعها” B|

طبعا ده كلام لذيذ جدا وبعدها بنص ساعة الداتا كلها هترجع عادي خالص وكأنه معملش حاجة 😀

مبدئيا الطرق دي فعلا طرق نموذجية مش تريقة وفي ناس بتعملها O:)

1. بيع أي حاجة معادا الـ #HDD بتاعك :
انت بكل بساطة ممكن تبيع الجهاز وتحتفظ بالهارد (عن نفسي بعمل كدة) وتريح دماغك من خطر ان الداتا بتاعتك حد ياخدها ويحتفظ بيها 😀

2. استخدم برامج الـ Wiping :
بتقوم فكرة عملها انها تملي كل الـ bits بـ 1s (تملي كل الهارد بوحايد ورا بعض) وبكدة تغطي علي الداتا القديمة حتي لو كانت معمولها storing وبعدها بتشيل كل الـ 1s دي وترجعلك المساحة فاضية تاني

أمثلة منها :
– في برنامج #CCleaner الـ tool دي موجودة
– Disk Wipe : http://www.diskwipe.org/

3. تستخدم أدوات الـ zero restoring :
بتقتل الداتا حرفيا بأنها تصفر كل الـ bits وبيبئي صعب جدا جدا ان ترجع الداتا بعدها ولو رجعت مستحيل ترجع كلها وفي أقصي تقدير باستخدام برامج عالية جدا بترجع حوالي 40% بنجاح مش أكثر (Y)

أمثلة منها :
– Darik’s Boot and Nuke
– Active@Kill Disk – Hard Drive Eraser

4. لو انت فعلا مش محتاج الهارد والمعلومات اللي عليه [حساسة] ومستحيل تسيب فرصة ولو 1 في المليون ان حد يوصلها – بكل بساطة كسر الهارد

5. لو انت شغال في مكان وبتحتاج تعمل العملية دي لهاردات كثير فممكن بكل بساطة تستعين بهاردوير مخصوص للحكاية دي زي eRazer واللي بيتم توصيل الهارد مباشرة عليه وبيقوم هو بالباقي (الصورة في أول كومنت) 🙂

اﻷحسن تستخدم خطوة 2 و 3 مع بعض علشان تضمن بنسبة عالية جدا عدم رجوع الداتا نهائيا

نرجوا ان يكون المقال نال اعجابكم فلا تنسي عمل شير للموضوع ليستفيد منه الجميع

Use Facebook to Comment on this Post

Leave a Reply

Send this to friend